Memleket basshysy Germanııanyń iri bıznes ókilderimen kezdesti
ASTANA. KAZINFORM - «Qazaqstan-Germanııa» bıznes forýmyna deıin Qasym-Jomart Toqaev nemistiń iskerlik orta ókilderimen kezdesti, dep habarlaıdy Aqordanyń baspasóz qyzmeti.
Memleket basshysynyń pikirinshe, Germanııanyń jetekshi kompanııalarynyń Qazaqstanǵa kelýi eki eldiń de ekonomıkalyq yntymaqtastyqty damytýǵa nıetti ekenin kórsetedi.
Prezıdent bıznesmenderge olardyń kompanııalary ınnovatsııanyń aldyńǵy shebinde kele jatqanyn ári jahandyq turaqty damý úderisinde negizgi ról atqaratynyn aıtty.
Sonymen qatar Germanııa Kantsleriniń sapary aıasynda qol qoıylǵan kelisimder men birlesken bastamalar Astana men Berlın arasyndaǵy uzaqmerzimdi strategııalyq seriktestikti nyǵaıta túsetinine senim bildirdi.
Bıznes ókilderiniń aldynda Germanııa Fedaratıvtik Respýblıkasynyń Kantsleri Olaf Sholts te sóz sóıledi.
Kezdesýge Siemens Energy AG kompanııasynyń basqarma tóraǵasy, Germanııa ekonomıkasy Shyǵys komıteti tóraǵasynyń orynbasary Krıstıan Brýh, CLAAS Group kompanııasynyń basqarma tóraǵasy ıAn-Hendrık Mor, DB E.C.O. Group kompanııasynyń atqarýshy keńesiniń tóraǵasy, Germanııa ekonomıkasy Shyǵys komıtetiniń Ortalyq Azııa jónindegi jumys tobynyń ókili Nıko Varbanoff, SVEVIND Energy GmbH kompanııasynyń prezıdenti, Qazaqstannyń Saksonııadaǵy qurmetti konsýly Volfgang Kropp, Aurubis AG kompanııasynyń basqarma tóraǵasy Toralf Haag, Siemens Healthineers AG kompanııasynyń basqarma tóraǵasy Berndt Montag, GP Günter Papenburg AG kompanııasynyń basqarma tóraǵasy Gıýnter Papenbýrg, HMS Bergbau AG kompanııasynyń basqarma tóraǵasy Dennıs Shvındt, KfW Bankengruppe kompanııasynyń Halyqaralyq qarjylandyrý jónindegi basqarma múshesi Krıstıane Laıbah, KNAUF Gruppe kompanııasyn basqarýshy seriktesterdiń ókili Aleksandr Knaýf, Herrenknecht AG kompanııasynyń basqarma múshesi Martın-Devıd Herrenkneht, Ernst Klett AG kompanııasynyń bas atqarýshy dırektory Fılıpp Haýsmann, Rhenus SE & Co. KG kompanııasynyń bas dırektory Tobıas Bartts qatysty.
