Memleket basshysy Bolgarııa Respýblıkasynyń Prezıdentine quttyqtaý jedelhatyn joldady

ASTANA. KAZINFORM - Qasym-Jomart Toqaev Rýmen Radevti Bolgarııa Respýblıkasynyń ulttyq merekesi – Azat etý kúnimen quttyqtady, dep habarlaıdy Aqordanyń baspasóz qyzmeti. 

– Búginde Bolgarııa Eýropa Odaǵynyń belsendi múshesi retinde óziniń turaqty damý jáne halyqaralyq qaýymdastyqtaǵy bedelin arttyrý jolynda eleýli jetistikterge qol jetkizip keledi. Osy tusta Sizdiń kóshbasshylyǵyńyzben elińiz bıik maqsat-murattarǵa jete berýine tilektespin. Astana men Sofııa arasyndaǵy dástúrli dostyq pen ózara qoldaýǵa negizdelgen yntymaqtastyqtyń aıasy jyldan-jylǵa keńeıip kele jatqanyn rızashylyqpen atap ótemin. Birlesken kúsh-jigerimizdiń arqasynda elderimizdiń san qyrly baılanystary bolashaqta odan ári nyǵaıa túsetinine senimdimin, – dep jazylǵan jedelhatta.

Memleket basshysy Bolgarııa Prezıdentiniń asa jaýapty qyzmetine tolaǵaı tabys, al dostas bolgar halqyna qut-bereke tiledi.