Memleket basshysy Baqytjan Saǵyntaevty qabyldady

ASTANA. KAZINFORM – Qasym-Jomart Toqaev Eýrazııalyq ekonomıkalyq komıssııa alqasynyń tóraǵasy Baqytjan Saǵyntaevty qabyldady. Bul týraly Aqordanyń baspasóz qyzmeti habarlady. 

Kezdesýde Eýrazııalyq ekonomıkalyq odaqtyń qazirgi jaı-kúıi men odan ári damý perspektıvasy talqylandy. 

Áńgimelesý kezinde Qazaqstan Respýblıkasynyń 2026 jyly Eýrazııalyq ekonomıkalyq odaqqa tóraǵalyǵy aıasynda atqaratyn jumystarynyń basymdyqtaryna erekshe nazar aýdaryldy. 

Sondaı-aq Qasym-Jomart Toqaevqa bıyl 21 jeltoqsanda Sankt-Peterbor qalasynda ótetin Joǵary Eýrazııalyq ekonomıkalyq keńes otyrysyna daıyndyq barysy týraly aqparat berildi. 

Eske sala keteıik, buǵan deıin Masýd Pezeshkıan 10-11 jeltoqsan kúnderi Astanaǵa resmı saparmen keletinin habarlaǵan edik.