Memleket basshysy AQSh Prezıdentin quttyqtady

ASTANA. KAZINFORM – Qasym-Jomart Toqaev Amerıka Qurama Shtattarynyń Táýelsizdik kúnine oraı Prezıdent Donald Trampqa quttyqtaý jedelhatyn joldady.

Memleket basshysy bul aıtýly kúndi Amerıka halqynyń tabandylyǵy men órshil rýhynyń, bostandyq jáne demokratııa qaǵıdattaryna myzǵymas beriktiginiń sımvoly retinde atap ótti.

– Men ekijaqty keńeıtilgen strategııalyq seriktestikti odan ári damytýǵa umtylysymdy taǵy da rastaımyn. Sondaı-aq halyqtarymyzdyń ıgiligi jolynda kópjaqty yqpaldastyqty tereńdetýge ázir ekenimdi jetkizemin, – dep jazylǵan jedelhatta.

Qasym-Jomart Toqaev Donald Tramptyń jaýapty memlekettik qyzmetine tabys tiledi.

Aıta keteıik, Memleket basshysy Nurlan Saýranbaevqa kólik dálizderiniń ótkizý múmkindigin keńeıtýdi tapsyrdy.