Memleket aýyldardy ınternetke qosý úshin HQDB-dan qaryz alady
ASTANA. KAZINFORM - Halyqaralyq qaıta qurý jáne damý banki Qazaqstanǵa ekonomıkany damytýǵa arnalǵan tsıfrlandyrý joba aıasynda qaryz bermek. Prezıdent Qasym-Jomart Toqaev tıisti kelisimdi ratıfıkatsııalady, dep habarlaıdy Kazinform agenttigi.
Tsıfrlyq damý, ınnovatsııalar jáne aeroǵarysh ónerkásibi mınıstri Jasulan Mádıev habarlaǵandaı, atalǵan joba qala men aýyl arasyndaǵy tsıfrlyq teńsizdikti azaıtýǵa baǵyttalǵan. Kelisimniń maqsaty – telekommýnıkatsııalyq ınfraqurylymdy damytý, ıaǵnı aýyldardy ınternetpen qamtý. Sondaı-aq jeke ınvestıtsııalardy tartý, shaǵyn jáne orta baılanys operatorlaryn qoldaý qolǵa alynatyn bolady.
Joba úsh jyl, ıaǵnı 2025-2027 jyldary aralyǵynda iske asyrylady. Osy ýaqyt ishinde 1123 aýyl nemese 2,3 mln adam ınternetke qol jetkizbek. Aýyldarǵa eń turaqty jáne qaýipsiz tehnologııa sanalatyn optıkalyq-talshyqty baılanys jelileri jetkiziledi degen boljam bar.
Investıtsııanyń jalpy kólemi – shamamen 84 mlrd teńge. Aıta keterligi, jobanyń 50 paıyzǵa deıingi kúrdeli shyǵyndaryn sýbsıdııalaý josparlanǵan.
Qaryz japon ıenasymen alanady ári syıaqy 1 paıyz mólsherinde belgilengen.
Qazaqstan nesıeni 2028 jyldan bastap tóleıdi, oǵan deıin Úkimet jobany tolyq júzege asyrýy qajet.
Aıta keteıik, qazaqstandyqtar ınternet arqyly alǵan taýar quny 200 dollardan assa, operatorǵa deklaratsııa qunyn tóleıdi.