Memkirister departamenti ArselorMıttal Temirtaýǵa 1,3 mlrd teńge aıyppul saldy
Avanstyq tólemder somasyn tómendetýdi Qaraǵandy oblysy boıynsha Memlekettik kirister departamenti «ArselorMıttal Temirtaý» AQ iri salyq tóleýshilerge qatysty júrgizilip jatqan salyqtyq ákimshilendirý sheńberinde anyqtady.
«2017 jyly kameraldyq monıtorıng júrgizý kezinde korporatıvtik tabys salyǵy boıynsha naqty eseptelgen salyqtan avanstyq tólemder somasyn tómendetý belgilendi. Osyǵan baılanysty QR ÁQBtK-niń 278-babynyń 3-tarmaǵy boıynsha 1,3 mlrd teńge mólsherinde ákimshilik aıyppul somasyna ákimshilik materıal jasaldy. Materıaldar ákimshilik sotqa berildi», - dep jazdy vedomstvodan.
Keshe Qaraǵandy oblystyq soty «ArselorMıttal Temirtaý» AQ apellıatsııalyq shaǵymyn qaraý sheńberinde Qaraǵandy oblysynyń MKD dálelderin qoldady jáne ákimshilik aıyppul kúshinde qaldy.
