Mektepterde orys tilinde oqytatyn synyptar jabylatyny týraly aqparat feık

NUR-SULTAN. QazAqparat - Keıbir BAQ pen áleýmettik jelilerde 6-7 jyl ishinde qazaqstandyq mektepterde orys tilinde oqytatyn synyptar jabylatyny týraly aqparat taratylýda. Bul feık, dep habarlaıdy QazAqparat stopfake.kz saıtyna silteme jasap.

«Qazaqstanda orys mektepteriniń bolashaǵy bar ma?» materıaly eki jyl buryn 31 arnada «Informbıýro» efırinde shyqqan. Oǵan elordadaǵy №90 gımnazııanyń dırektory Aıatjan Ahmetjanulynyń pikiri usynylǵan BAQ-taǵy aqparat negiz bolǵan. Sıýjette orta bilim berý salasyndaǵy úrdister talqylandy. Sondaı-aq orys tildi mektepterdegi oqýshylar sanynyń azaıýy sóz boldy. Gımnazııa dırektory qalǵan oqýshylar bolashaqta básekege qabiletsiz bolyp qalýy múmkin degen pikirin bildirip, ata-analardy memlekettik tildi meńgerý úshin balalardy qazaq mektepterine berýge shaqyrdy. Sonymen qatar sıýjette Bilim sarapshylarynyń qazaq lıgasynyń vıtse-prezıdenti Natalıa Dreıttiń de pikiri usynyldy. Ol orys jáne qazaq mektepteri toly jáne másele muǵalimderdiń jetispeýshiliginde, al bul jaǵdaıdy pedagogterdiń mártebesi týraly zań ózgertýi tıis dep málimdedi. Búginde bul materıal pablıkterde ádeıi burmalanyp jarııalanýda», – dep túsindirdi «31 arna» ókilderi
QR Oqý-aǵartý mınıstrligi orys tilinde oqytatyn synyptardy jabý týraly aqparatqa qatysty túsinikteme berdi.

«Bul aqparat shyndyqqa janaspaıdy. Qazaq synyptarynda da, orys tilinde oqytatyn synyptarda da orys tili burynǵydaı oqytylady, basqa jospar joq», – dedi Qazaqstan Respýblıkasynyń oqý-aǵartý birinshi vıtse-mınıstri Sholpan Karınova.