Mektepte ár synyptyń óz psıhologi bolý kerek — maman

ASTANA. KAZINFORM — Psıholog Lımana Quttybekqyzy BIZDIÑ ORTA podkastinde halyq nege jalǵan psıhologterdiń kómegine kóp júginetinin aıtty.

— Maman psıhologter bir seansyna kem degende 50 myń teńge alady. Al jalǵan psıhologter 15-20 myń teńgeden bastaýy múmkin. Biraq másele munda emes. Jalǵan psıhologter jyldam sheshim usynady. Al maman psıhologter sheshim bermeıdi. Biz seniń problemań mynandaı dep aıta salmaımyz, — dedi ol.

Aıtýynsha, elimizde táýelsiz psıhologter tapshy.

— Ár mekemede psıhologııalyq qyzmet bolsa, onda sonshalyq suranys bolmaıdy. Mekteptiń ózinde bir ǵana psıholog myń balaǵa jaýap bere almaıdy. Ár synypqa bir psıholog bolý kerek. Jasyna qaraı, aýyspaly kezeńine qaraı baǵyttaı alatyn maman bolǵany durys. Mysaly, halyqqa qyzmet kórsetý ortalyqtaryn qarańyz. Ol jerde mamandar sharshap ketken. Adamdardyń kádimgideı qajyp ketkenin kórem. Bireý aryzdanady, bireý ursady degen sııaqty. Ol jerde de psıhologter otyrý kerek. Jalpy barlyq jerde psıholog kerek. Prokýratýrada da, polıtsııada da, bárinde. Polıtsııada psıholog otyr. Biraq ony bári qatardaǵy qyzmetker dep qabyldaıdy. Al psıholog olarǵa táýeldi bolmaý kerek, — dedi Lımana Quttybekqyzy.

Osydan buryn Jibek Joly arnasynyń «Búgin LIVE» baǵdarlamasynda jalǵan psıhologterdi qalaı ajyratýǵa bolatyny aıtyldy.