Meksıkada «Djon» daýyly kezinde 22 adam qaza bolǵan

ASTANA. KAZINFORM – Meksıkanyń ońtústik-batysyndaǵy Tynyq muhıty jaǵalaýyna bir aptadan beri «Djon» daýyly soǵyp tur. Tabıǵattyń dúleı kúshiniń saldarynan 22 adam qaza tapqan. Bul týraly The Guardian habarlady.

Sý basqan úılerden turǵyndar evakýatsııalanýda. Meksıkanyń eń kedeı shtattarynyń biri Gerreroda 18 adam qaza tapty. Kóshkin kóptegen úılerdi qıratty. Jergilikti BAQ Oahakada úsh adam, al soltústik Mıchoakan shtatynda bir bala ózenge batyp ketti, dep habarlady.

«Djon» daýyly Gerreroǵa jetkenge deıin qatty kóterilgen. Apta boıy taıfýn jaǵalaý boıymen qozǵalyp, qatty jańbyr men sý tasqynyn ákeldi.

Sý basqan aýmaqtardy qaıyqtar men serfıngpen kóshirip jatqan turǵyndar úkimetten kómek surady. Óıtkeni qala 2023 jylǵy sumdyq daýyl saldarynan endi aıyǵyp jatyr, biraq bir jyldan az ýaqyt ishinde el ekinshi ret apatqa ushyrady.

Ótken qazan aıynda «Otıs» daýyly Akapýlkoǵa 5-sanattaǵy daýyl kúshimen soqqan, jaǵalaýǵa jaqyn jerde tez kúsheıip, 50-den astam adamnyń ómirin qıdy jáne mıllıardtaǵan dollar shyǵyn ákeldi. Biraq Djonnyń jaýyn-shashyny Otıs daýylynan úsh esege kóbirek boldy.

Meteorologtardyń aıtýynsha, muhıt temperatýrasynyń kóterilýi daýyldardy kúsheıtip, olardyń tez ósýine múmkindik beredi.