Meksıka prezıdent ushaǵyn Tájikstanǵa satty
Meksıka basshysynyń aıtýynsha, prezıdenttik ushaq Tájikstan úkimetine shamamen 92 mıllıon dollarǵa satylǵan.
Lopes Obrador 2018 jyldyń 1 jeltoqsanyndaǵy ulyqtaýdan keıin ushaqty paıdalanýdan bas tartyp, ony áýe kemesiniń qymbattyǵymen túsindirgen.
Asketızmdi ustanatyn el prezıdenti ádette kommertsııalyq reıstermen ushady.
Meksıka prezıdenti áýe kemesin tipti aýktsıonda satýǵa tyrysqan.
Ushaq bastapqyda burynǵy prezıdent Enrıke Penıa Neto úshin 200 mıllıon dollarǵa alynǵan.
Ushaqty satýdaǵy qıyndyqtar onyń tek 80 jolaýshyny qabyldaı alatynyna jáne dýshy bar prezıdenttik lıýks bólmesine baılanysty.
Sarapshylardyń pikirinshe, bul kólikti 300-den astam jolaýshy minetin ushaqqa aınaldyrý jumysy qymbatqa túser edi.
Kılometrajy az bolǵanyna qaramastan, Meksıka qyzmet kórsetý shyǵyndarynyń qymbattyǵyna baılanysty Boeing 787-den qutylýǵa asyqty.
«Óte uzaq ýaqyttan keıin ǵana ushaqty sattyq. Biz baqyttymyz», - dedi Lopes Obrador ushaqtyń ishinde túsirgen vıdeosynda.
Onyń aıtýynsha, ushaqty satýdan túsken qarajat eki aýrýhana salýǵa jumsalady.