Medıtsınalyq uıymdardyń qaryzy aıtarlyqtaı azaıdy - DSM
ASTANA. KAZINFORM – Densaýlyq saqtaý mınıstrligi medıtsınalyq uıymdardyń kredıtorlyq bereshegin joıý baǵytynda qandaı is-qımyldar jasalǵanyn túsindirdi.
- 2024 jylǵy 14 naýryzda Mınıstrliktiń buıryǵymen qysqa merzimdi jáne júıeli sharalardy qamtıtyn medıtsınalyq uıymdardyń qarjylyq turaqtylyǵyn jaqsartý jónindegi is-sharalar jospary bekitildi. Jospar boıynsha qarajatty paıdalaný tıimdiligin arttyrý jáne medıtsınalyq qyzmetterge tarıfterdi qaıta qaraý jónindegi sharalar kózdelgen. 2024 jyldyń qorytyndysy boıynsha kredıtorlyq bereshek aıtarlyqtaı tómendedi. Bıyl medıtsınalyq uıymdardyń qarjylyq turaqtylyǵyn arttyrý boıynsha jumys tarıfterdi qaıta qaraý turǵysynan da, medıtsınalyq uıymdar deńgeıinde qarjylyq menedjment tıimdiligin arttyrý jaǵynan da jalǵasady, - delingen mınıstrliktiń Kazinform agenttigine bergen jaýabynda.
Eske salsaq, 2023 jyldyń aıaǵynda 80 medıtsınalyq uıymnyń kredıtorlyq qaryzy bar ekeni málim boldy.
2024 jyldyń basynda elimizde nesıe bereshegi bar medıtsınalyq uıymdardyń jaǵdaıy tekserilip jatqany aıtyldy.
Sol kezde Densaýlyq saqtaý mınıstri Aqmaral Álnazarova 400-den astam medıtsınalyq uıymnyń nesıe bereshegi baryn málimdedi
Osy oraıda medıtsınalyq uıymdarda qomaqty somadaǵy qaryz neden bolǵanyn jazǵan edik.