Medeýde Reseı juldyzdarynyń kontserti boldy
Konstıtýttsııa kúni men qala kúnine qurmetine de arnalǵan sharany Almaty qalasynyń ákimi Ahmetjan Esimov ashty. Qala ákimi óz sózinde Oraza aıynyń aıaqtalýymen, úsh kúndik Oraza aıt merekesimen jáne Konstıtýtsııa kúnimen quttyqtady. Sondaı-aq Almaty TMD-lyq tanymal arna týǵan kúnin atap ótip otyrǵan úshinshi qala ekendigine toqtalyp, almatylyqtar úshin bul úlken mártebe ekendigin atap ótti.
Kontsertke Sergeı Lazarev, Batyrhan Shúkenov, Tımatı, Anna Semenovıch, Dıma Bılan, Fılıpp Kırkorov, Nıkolaı Baskov, Shahzoda, Mıtıa Fomın, Tomas Nevergreen, Anna Semenovıch, Elka, Anıta Tsoı, Anjelıka Agýrbash pen «Gradýsy», «A Stýdıo» toptary qatysyp, hıtqa aınalǵan týyndylaryn oryndady. Kontsert barysynda birneshe jyl buryn tarap ketken almatylyq «Dýet L» toby sahnaǵa qaıta shyqty. Sonymen qatar Batyrhan Shúkenov ózi quramynda óner kórsetken «A stýdıo» tobymen birge án shyrqady. Kontsertti belgili telejúrgizýshi Lera Kýdrıavtsevanyń júrgizýi de kesh ajaryn asha tústi.
Medeýdiń sýyq aýa-raıyna qaramastan merekelik kontsert 4 saǵatqa sozyldy. Telearnany quttyqtap, súıikti ánshilerin tyńdaýǵa 15 myńǵa jýyq kórermen jınaldy. «Kontsert óte joǵary deńgeıde ótti. Reseılik ánshiler almatylyqtardyń ándi, mýzykany súıetinine taǵy da kóz jetkizdi»,- deıdi MýzTV arnasynyń mýzykalyq dırektory, jerlesimiz Arman Dáýletııarov.