«Medeý» muz aıdynynda konkımen júgirýden QR Kýbogy ótedi

ALMATY. QazAqparat – 23-24 aqpanda Almatynyń «Medeý» muz aıdynynda konkımen júgirý sportynan Qazaqstan Respýblıkasynyń Kýbogy ótedi, dep habarlaıdy QazAqparat.

2017 jyly ótkizilgen Ýnıversıadadan keıin «Medeýde» alǵash ret ulttyq deńgeıdegi jarys uıymdastyrylmaq.

Kýbokqa ártúrli jastaǵy 80-ge jýyq sportshy qatysady.

QR Respýblıkasy Kýbogynyń birinshiligi tórt qashyqtyqta oınatylady:

- 23 aqpan – 500 m, 1500 m (erler men áıelder)

- 24 aqpan – 1000 m, 3000 m (erler, áıelder)

Uıymdastyrýshylar: QR Mádenıet jáne sport mınıstrligi, QR Ulttyq Olımpıada komıteti, Almaty qalasynyń ákimdigi, Qazaqstan konkıshileriniń ulttyq federatsııasy, «Medeý» muz aıdyny.