«Medeý» muz aıdyny Ýnıversıada oıyndaryna daıyn

ASTANA. QazAqparat - Almatyda ótetin Qysqy Ýnıversıada oıyndarynyń nysandary dúbirli dodaǵa daıyn. Solardyń biri - «Medeý» muz aıdyny, dep habarlaıdy 24.kz.

Qysqy sportqa arnalǵan eń iri keshenniń syıymdylyǵy 8300 kórermenge shaqtalǵan. Medeýdiń ereksheligi - shatqaldaǵy qolaıly klımat pen taza taý sýy. Muz aıdynynyń aýqymy 10,5 myń sharshy metr. Munda konkı tebý, hokkeı jáne mánerlep syrǵanaýdan jarystar ótkizýge bolady. 

1972 jyldan bastap «Medeýde» 120 álemdik rekord ornatylǵan. Sodan beri muz aıdyny «rekordtar ustahanasy» dep te atalady. Kúrdeli jóndeýden ótkennen keıin VII qysqy Azııa oıyndarynda muz aıdyny jańa kelbetke ıe boldy. Búginde «Medeý» Almaty turǵyndary men qonaqtary úshin konkımen syrǵanaýda eń tanymal oryn.