McDonald's qyzmetkerlerin jappaı qysqartpaq

ASTANA. QazAqparat – McDonald's bas dırektory Krıs Kempchınskı osy jyldyń sońyna deıin kompanııa qyzmetkerlerin qysqartýdy josparlap otyrǵanyn málimdedi, dep habarlaıdy QazAqparat tilshisi Dailymail basylymyna silteme jasap.

Bul týraly fast-fýd jelisi basshysynyń qyzmetkerlerge jazǵan hatynan belgili boldy.

«McDonald' s-ta búkil álem boıynsha 200 myńǵa jýyq adam korporatıvtik laýazymdarda jáne kompanııaǵa tıesili meıramhanalarda jumys isteıdi, olardyń shamamen 75% - y AQSh-tan tys jerlerde. 2023 jyldyń sáýirinen bastap qysqartýlar bastalady», - delingen Kempchınskııdiń hatynda.

Onyń aıtýynsha, jumys oryndaryn qysqartý qarjy únemdeýge sep bolmaıdy, biraq fırmanyń ósýine jáne bızneste damýǵa kómektesedi. Qujatta McDonald's basshylyǵy kompanııa bólimshelerindegi qyzmetkerlerdiń róli men kadrlyq qamtamasyz etý deńgeıin baǵalaıtyny atap ótilgen.

Buǵan deıin McDonald's jelisi álemdegi goesaıası protsester aıasynda Qazaqstan naryǵynan ketetin habarlanǵan bolatyn. Shtab-páteri Chıkagoda ornalasqan býrger meıramhanasy 160-tan astam elde 2 mıllıon jumys kúshi bar 40 myń meıramhanany basqarady. Onyń shamamen 13 myńy AQSh-ta.

Foto: TNS via Getty Images