Májilis Salyq kodeksin jańa Konstıtýtsııaǵa sáıkestendiretin zań qabyldady
ASTANA. KAZINFORM — Májilis Salyq kodeksin jańa Konstıtýtsııaǵa sáıkestendiretin zańdy eki oqylymda qabyldady.
Zań jobasyn tanystyrǵan Májilis depýtaty Erlan Stambekov jańa normalardyń bir parasy salyq zańnamasyna Quryltaı, Qazaqstan Halyq keńesi sııaqty jańadan qurylatyn ınstıtýttardy engizýge baǵyttalatynyn atap ótti.
— Bul zań 15 naýryzdaǵy respýblıkalyq referendým qorytyndysy boıynsha Konstıtýtsııaǵa engizilgen túzetýler men ózgeristerdi, Konstıtýtsııalyq sot týraly Konstıtýtsııalyq zańǵa engizilgen túzetýlerdi iske asyrý maqsatymen ázirlendi. Qujatta aımaq ataýlaryn kórsetý tártibin Astanaǵa basymdyq bere otyryp retteý usynylady.
Azamattardyń Konstıtýtsııalyq sotqa júgingen kezde tólenetin memlekettik bajdy alyp tastaý usynylady, — dedi depýtat.
Atalǵan zań qazaqstandyqtardy Konstıtýtsııalyq sotqa júgingen kezde memlekettik baj tóleýden bosatady.
