Májilis onlaın-platformalardyń saılaý naýqanyna qatysýyn retteıtin zańdy Senatqa joldady
ASTANA. KAZINFORM — Májilis saılaý zańnamasy men Ákimshilik quqyq buzýshylyq týraly kodeksin jetildirýge arnalǵan zańdardy qabyldady.
Qujatty tanystyrǵan depýtat Únzıla Shapaq bul zań jobalary saılaý zańnamasy men Ákimshilik kodeksti Konstıtýtsııanyń jańa normalarymen sáıkestendirýge baǵyttalǵanyn aıtty.
— Birinshi zań jobasynda ınvestorlardyń quqyqtaryn qorǵaýdy kúsheıtý úshin Bas Prokýrorǵa Investıtsııalyq ombýdsmen ókiletteri beriledi. Aımaqtarda ondaı mindet oblys prokýrorlaryna júkteledi. Olar ınvestor qyzmetine qatysty aktilerge quqyqtyq baǵa beredi, ınvestor quqyǵyn qorǵaý maqsatynda sotqa júginedi. Ekinshi zań jobasynda onlaın-platformalardyń saılaý zańnamasy talaptaryn saqtamaǵany úshin ákimshilik jaýaptylyq engizý, sondaı-aq kandıdattardyń saılaý qorlarynan tys qarjylandyrýdy nemese ózge de materıaldyq kómekti qabyldaǵany úshin jaýaptylyq belgileý usynylady. Bul normalar saılaý naýqanynyń ashyqtyǵyn qamtamasyz etýge jáne barlyq kandıdattar úshin teń jaǵdaı qalyptastyrýǵa baǵyttalǵan, — dedi depýtat.
Sondaı-aq, búgin notarıýstardy lıtsenzııadan aıyrý tetikterin keńeıtetin zań jobasy maquldandy.
