Májilis depýtaty Almatydaǵy elektromobılder shyǵaratyn zaýyt qurylysymen tanysty
ALMATY. KAZINFORM – Májilis depýtaty, «Aq jol» partııasy fraktsııasynyń jetekshisi Azat Perýashev Almatynyń ındýstrııalyq aımaǵyna jumys sapary barysynda Hyundai Trans Kazakhstan kompanııasyna bardy.
- Bir jyl buryn osy kásiporynǵa kelgenimizde Astana Motors kompanııasynyń negizin qalaýshy Nurlan Smaǵulov avtokólikterdi shaǵyn túıindi qurastyrýǵa kóshý týraly josparyn aıtqan edi. Búgin biz jumys protsesin, jańa óndiris jelilerin kórip otyrmyz. Sonymen qatar elektromobılder, gıbrıdti modelder men qurastyrylǵan avtokólikterdiń bólshekterin shyǵaratyn zaýyttardyń qurylys barysymen tanystyq. Bul bıznes pen Óndiristi damytý qory arasyndaǵy yntymaqtastyqtyń eń jarqyn ári tabysty úlgisi, – dedi depýtat.
Qazaqstan Prezıdenti Qasym-Jomart Toqaev 2023 jylǵy Joldaýynda jáne bıyl 7 aqpandaǵy Úkimet otyrysynda lokalızatsııa men jergilikti qamtýdy arttyra otyryp, iri túıindi qurastyrýdan shaǵyn túıindi óndiriske kóshý mindetin qoıǵan bolatyn.
Kezdesý barysynda Azat Perýashev zaýyt basshylyǵymen mundaı kásiporyndardy odan ári qoldaý boıynsha qajetti sharalardy jáne osy tájirıbeni munaı-gaz, taý-ken metallýrgııasy, jol, qurylys, energetıka syndy salalarda paıdalaný máselelerin talqylady.
