Májilis aýmaqtyq qorǵanys týraly zańdy qabyldady

ASTANA. KAZINFORM — Májilis «Aýmaqtyq qorǵanys týraly» Zań men osy qujatqa ilespe zańdy qabyldady.

Zańdy tanystyrǵan depýtat Maksım Rojın atalǵan zań eldiń qorǵanys júıesine «erikti» jáne «ózin-ózi qorǵaýdy qalyptastyrý» uǵymdaryn engizetinin aıtty. 

— Sondaı-aq, Qazaqstan Respýblıkasy azamattary úshin soǵys ýaqytynda ózin-ózi qorǵaý quralymdaryna eriktiler retinde kirý múmkindigi kózdeledi, — dedi depýtat.

Zańdy qabyldaýdaǵy maqsat — eldiń qorǵanys qabiletin arttyrý, halyqtyń, aýmaqtyq qorǵanys obektileriniń qaýipsizdigin qamtamasyz etý jáne Qazaqstan Respýblıkasynyń aýmaǵyn jumyldyrý, soǵys jaǵdaıy kezeńinde ári soǵys ýaqytynda qorǵaý.

Buǵan deıin aýmaqtyq qorǵanys áskeri qazaqstandyqtardy kimnen qorǵaıtynyn jazǵan edik.