Májilis depýtattary Jetisý óńirindegi «Akѕu Kant» zaýytynyń jumysymen tanysty
Sapar barysynda Májilis depýtattaryn «Nur Otan» partııasy Almaty oblystyq fılıaly tóraǵasynyń birinshi orynbasary Gúlnar Toılybaeva, «Jetisý» ÁKK «ÓDI» AQ («Jetisý» áleýmettik-kásipkerlik korporatsııasy« óńirlik damý ınstıtýty» aktsıonerlik qoǵamy) basqarma basshysynyń orynbasary Azamat Rahımov, Aqsý aýdany ákiminiń orynbasary Ǵazız Esjanov, «Akѕu Kant» JShS dırektory Samat Nádirbaev, aýdandyq máslıhat depýtattary, kásipkerlik bólimi qyzmetkerleri men partııalyqtar qarsy alyp, zaýyt jumysymen tanystyrdy.
«Akѕu Kant» zaýyty - Qazaqstannyń qant salasyndaǵy memlekettik qoldaýdyń arqasynda qaıtadan qalpyna keltirilgen elimizdegi alǵashqy kásiporynnyń biri.
Jańǵyrtýdyń birinshi kezeńi aıasynda Aqsý qant zaýytynda shyryn óndirý, shyryndy tazartý, azyq-túlik, syǵyndy tyǵyzdaý, ák-gaz bólimshelerindegi, sondaı-aq shyryndar men shárbattar bólimindegi jabdyqtar aýystyryldy. Basty ereksheligi-barlyq óndiristik jeli avtomattandyryldy. Mysaly, jańa býlandyrý stantsııasynyń arqasynda energııa tasyǵyshtardyń shyǵyndary 30% qysqardy. Búgingi kúni zaýytta súzgileýdiń jańa tehnologııalaryn paıdalana otyryp biregeı kameralyq press-súzgi ornatylǵan.
Májilis depýtattaryn «Akѕu Kant» zaýytynda búgingi kúnniń ózinde jabdyqtyń 80%-y aýystyrylyp, tolyǵymen avtomattanǵany qýantty. Maýsym kezinde zaýytta 400-den astam maman jumys jasaıdy.
«Akѕu Kant» JShS bas dırektory Samat Nádirbaevtyń aıtýynsha, zaýyttyń óndiristik qýaty 12% qant shyǵysymen bir maýsymda 450 000 tonna qant qyzylshasyn óńdeýdi quraıdy. 2020 jyly kásiporynda qant qyzylshasynyń syǵymdaǵysh bólimshesi iske qosylyp, qant qyzylshasynyń syǵyndysynan jom óndirilýde. Tehnologııa boıynsha konveıerden qurǵaq zattyń 22% syǵymdalady. Osylaısha, zaýyt jemshóp naryǵynda múldem jańa ónim – syǵymdalǵan pakettelgen jom shyǵara bastady. Odan ári jańǵyrtý barysynda qant zaýyty maýsymaralyq ýaqytta qamys óńdep, jyl boıy jumys isteıtin bolady dep josparlap otyrmyz», - deıdi Samat Nádirbaev.
Májilis depýtattary zaýyttyń jańǵyrtý jumystarynyń qarqyny men shyǵarylatyn ónimderiniń aýylsharýashylyǵynda qoldanylatynyna qoldaý tanytyp, jergilikti turǵyndardy turaqty jumyspen qamtyǵan zaýyt basshylyǵyna alǵys bildirdi.
«Nur Otan» partııasynyń depýtattyq fraktsııa múshelerine zaýyt jáne aýdan basshylyǵy, jalpy turǵyndar tarapynan búgingi kúni sheshimin tappaı otyrǵan birqatar kúrdeli máseleler – Aqsý, Búıen ózenderine sý qoımaısynyń qajettigi, aýdandyq aýrýhanada, ırrıgatsııany júrgizý máselelerin jetkizse, aýdandyq aýrýhana dırektorynyń orynbasary, aýdandyq máslıhat depýtaty Baıqadam Qurymbaı aýrahanaǵa asa qajet kompıýterlik tomografııa qurylǵylaryn ornatý máselesin kóterdi
Kezdesý barysynda qoıylǵan birqatar suraqtary men ótinishter Májilis depýtattarynyń nazaryna alyndy.
«Búgin biz qanttyń tolyq óńdelý protsessimen tanystyq. Meni zaýyttan qanttan bólek ónim - jom syǵyndysy, patoka shyǵarylatyny qýanttty ári zaýyt ishinde jastardyń tájirıbe alyp, bilimin jetildirýine jaǵdaı jasalǵany kóńilge qonymdy boldy», - dedi májilis depýtaty, fraktsııa múshesi Aıgúl Quspan.
