Májilis depýtattary Qostanaı oblysynyń shalǵaı aýyldaryn aralamaq

QOSTANAI. QazAqparat – QR Parlamenti Májilisiniń depýtattary Álııa Saparova, Ivan Klımenko, Irına Aronova, Qýanysh Sultanov jáne Albert Raý Qostanaı oblysyna jumys saparymen keldi, dep habarlaıdy QazAqparat tilshisi.

Májilismenderdiń jumys toby áýeli oblystyń partııa belsendilerimen kezdesti. Jıynda eldi mekenderdi ońtaılandyrý, áleýmettik járdemaqy tóleýdiń jańa júıesi jáne áleýmettik kómek paketi sóz etildi. Sonymen qatar Jastar jylynyń qorytyndylary týraly aqparat berildi. Aımaqtyń pedagogıkalyq qoǵamdastyǵy májilismenderge óńirdiń problemasyn aıtty. Halyq qalaýlylary Qostanaı qalasynyń belsendi jastarymen de bas qosty. Ásirese bizdiń aımaqtaǵy jastar saıasatyn damytý salasyndaǵy eń ózekti máseleler anyqtaldy. Usynystar men pikirler depýtattar nazaryna alyndy.

Depýtat Irına Aronova atap ótkendeı, parlament jumysy barynsha ashyq.

«Ótken jyldan bastap naqty ýaqyt rejiminde jumys toptarynyń otyrysy ótip jatyr. Depýtattyq saýaldardy qalyptastyrýda oblystyq jáne aýdandyq máslıhattarǵa erekshe ról bólingen. Bul rette Qostanaı oblysynyń Parlamentpen ózara is-qımyl bóligindegi jumysy respýblıkadaǵy eń úzdikterdiń biri dep tanyldy», - dedi Irına Aronova.

Sapar aıasynda depýtattar oblystyń shalǵaı aýyldaryn aralamaq.