Majarstandaǵy týrnırde taǵy úsh qola medal tústi
ASTANA. KAZINFORM - Majarstan astanasy Býdapesht qalasynda ótip jatqan halyqaralyq týrnırde el quramasy qorjynyna úsh qola tústi.
El quramasynan Erjet Jarylqasyn (63 keli), Marlan Muqashev (55 keli), Álimhan Syzdyqov (130 keli) qola júldege qol sozdy.
Qazirge deıin áıelder kúresinen Jámıla Baqbergenova (72 keli) kúmis alsa, Nılýfar Raımova (57 keli), Elmıra Syzdyqova (76 keli) men erkin kúresten Asyljan Esengeldi (61 keli) qola júldeger atanǵan edi.
Atalǵan jarysqa 14 elden 99 sportshy jınaldy.
Aıta ketsek, qazaqstandyq tóreshiler 2025 jylǵy kúres túrleri boıynsha álem chempıonatynda qyzmet atqarady.
Birikken kúres álemi (UWW) 2025 jyly Horvatııanyń Zagreb qalasynda ótetin álem chempıonatyna tóreshilerdi taǵaıyndady. Dúbirli doda 13-21 qyrkúıek aralyǵynda ótedi.
Uıym jarııalaǵan tizimge elimizdiń atynan eki tóreshi endi. Aldaǵy álem birinshiliginde beldesýlerdi Igor Lıgaı men Erik Jumabekov júrgizedi.