Majarstanda Qazaqstan Prezıdentin resmı qarsy alý rásimi ótti
BÝDAPEShT. KAZINFORM – Majarstanǵa memlekettik saparmen barǵan Prezıdent Qasym-Jomart Toqaevty Býdapesht qalasyndaǵy Korol saraıynyń Arystandar alańynda resmı qarsy alý rásimi ótti, dep habarlaıdy Aqordanyń baspasóz qyzmeti.
Memleket basshysyn áskerı orkestrdiń súıemeldeýimen Majarstan Premer-mınıstri Vıktor Orban qarsy aldy.
Qurmet qaraýylynyń bastyǵy raport bergennen soń, eki eldiń memlekettik ánurandary shyrqaldy. Sodan keıin Qurmet qaraýyly men salt atty gvardııa saltanatpen sap túzep ótti. Qasym-Jomart Toqaev pen Vıktor Orban bir-birine resmı delegatsııa múshelerin tanystyrdy.
Qazaqstan Prezıdenti Majarstanǵa memlekettik saparmen barǵanyn habarladyq. Sondaı-aq Toqaev pen Orban Majarstan men Germanııa arasyndaǵy fýtbol matchyn tamashalady.
Oqı otyryńyz, Kazinform tilshisi Qazaqstan men Vengrııa qarym-qatynasyn sholyp, damý jolyna kóz júgirtti.