Maımyl sheshegi alǵash ret Afrıkadan tys memlekette tirkeldi

STOKGOLЬM. KAZINFORM – Shvetsııa úkimeti elde maımyl sheshegi (M-pox) aýrýy tirkelgenin habarlady. Bul týraly VVS jazdy.

2023 jyldyń aıaǵynda jańa indet bastalǵannan beri bul vırýs Afrıkadan tys jerlerde alǵash ret anyqtaldy. Sheneýnikter naýqastyń aýrýdy Afrıkaǵa sapary kezinde juqtyrǵanyn túsindirdi.

Afrıkada 2023 jyldyń qyrkúıeginen beri maımyl shesheginiń jańa indeti jalǵasýda. Qurlyqta 13 700 jaǵdaı tirkelip, 456 adam qaıtys boldy.

Afrıkada maımyl sheshek indeti 2022 jylda da tirkelgen, DDU halyqaralyq deńgeıde tótenshe jaǵdaı jarııalady. Ol kezde indet qazirgige qaraǵanda qaýpi tómen shtammnan týyndaǵan bolatyn.

Aqparat úshin, vırýstyń alǵashqy belgileri 5-21 kúnde paıda bolady. Ol ádette joǵary temperatýrany, bas aýrýyn, arqa men bulshyqetterdiń aýyrsynýyn, lımfa túıinderiniń isinýin, sharshaýdy, qaltyraýdy jáne sýsheshek tárizdi teri bórtpelerin týdyrady. Arnaıy emi joq, biraq aýrý vırýsqa qarsy preparattarmen emdeledi. Kóp jaǵdaıda aýrý jeńil ótedi jáne naýqastar birneshe apta ishinde qalpyna keledi.

DDU násilshildik pen kemsitýshilikke baılanysty 2022 jyly maımyl shesheginiń atyn M-pox dep ózgertken.

Eske salamyz, buǵan deıin DDU maımyl sheshek vırýsyna baılanysty jahandyq tótenshe jaǵdaı jarııalaǵanyn jazǵan edik.