Maıqaıyńdaǵy apat: 21 adam kináli dep tanylýy múmkin
ASTANA. KAZINFORM – Qazir qaıǵyly apatqa qatysty tekserý, zertteý jumystary júrip jatyr. Bul týraly Eńbek jáne halyqty áleýmettik qorǵaý mınıstrligi Eńbek jáne áleýmettik qorǵaý komıtetiniń tóraǵasy Tólegen Ospanqulov málim etti.
«Meniń bilýimshe, Maıqaıyńdaǵy apatty jaǵdaı boıynsha 21 adam kináli dep tanylǵan sııaqty, naqty aıta almaımyz. Іzdeý jumystary qalǵan adamdardyń ómirine qaýip keltirgeni úshin toqtatyldy. Biraq, komıssııa jumysyn toqtatqan joq, qazir oqıǵa ornynda tekserý jumystary júrip jatyr. Biz úshin adamnyń ómiri qymbat. Negizi izdeý jumystarymen Tótenshe jaǵdaılar mınıstrligi shuǵyldanady, biz komıssııa quramyna maman retinde kiremiz», - dedi Tólegen Ospanqulov 12-i elordada ótken «Eńbekti qorǵaý jáne ónerkásiptik qaýipsizdik» atty halyqaralyq konferentsııa barysynda Kazinform agenttigi tilshisiniń suraǵyna jaýap bere turyp.
Eske sala keteıik, bıyl 4 qańtarda «Maıqaıyńaltyn» ken ornynda úlken oıyq mańynda topyraq opyrylyp, 4 adam mingen avtobýs jerdiń astyna túsip ketken bolatyn.
Aıta keteıik, 15 mamyrda Maıqaıyń altyn kenishinde qos qutqarýshyny izdeý jumystary qaıta jandandy.
Elorda soty altyn kenishindegi qaıǵyly oqıǵa 100% «Maıqaıyńaltyn» AQ-nyń kinásinen bolǵan degen mámile jasaǵan edi.
