Maıqaıyń kentine sý jetkizetin qubyr jóndeldi
PAVLODAR. KAZINFORM - Qazir mamandar kenttegi gıdravlıkalyq rejimdi rettep jatyr. Jaqyn arada sý berý shtattyq jaǵdaıda júzege asady.
Bul týraly Pavlodar oblysy ákiminiń baspasóz qyzmetinen habarlady.
«Ekibastuz sý arnasynan Maıqaıyń kentine sý jetkizetin dıametri 1 020 mm-lik sý qubyryndaǵy aqaýdy jóndeý jumystary tolyqtaı aıaqtaldy. Jóndeý jumystaryna 240-tan astam adam jáne 70 birlik mamandandyrylǵan tehnıka jumyldyryldy. Mamandar sý qubyrynyń árbir ýchaskesinde qubyrdyń qatýy men aýanyń turyp qalý jaıttaryn tekserdi. Mundaı ýchaskeler anyqtalǵan kezde qubyrdy bý generatorlarymen jylytý júrgizildi. Jekelegen ýchaskelerde qubyrdyń aınalasyndaǵy topyraq kómir jáne aǵash shpaldardy jaǵý arqyly jylytyldy. Jalpy uzyndyǵy 13,4 km qubyr (jer asty jáne jer ústi jelileli) qyzdyryldy», - dep málimdedi baspasóz qyzmetinen.
Atalǵan jelini sýǵa toltyrý jumystary aıaqtaldy. Mamandar gıdravlıkalyq rejımdi rettegen soń, Maıqaıyń kentin sýmen jabdyqtaý qubyrynyń qysymy artady.
