Maık Taıson ózinen 31 jas kishi qarsylasynan jeńilip qaldy

ASTANA. KAZINFORM – Aty ańyzǵa aınalǵan boksshy Maık Taıson (50-6-0,44KO) búgin sharshy alańǵa qaıta oralyp, ózinen 31 jas kishi amerıkalyq tanymal bloger Djeık Polmen (10-1-0,7KO) judyryqtasty.

Alǵashqy raýndta, 58 jasar Taıson shıraq qımyldap, jaqsy soqqylar jasady. Alaıda, ekinshi raýndtan bastap jyldamdyq pen kúsh jaǵynan ózinen áldeqaıda jas qarsylasyna ese jiberip qoıdy. 

Djeık Pol aıqastyń tizginin ózi ustap, Taısondy nokaýtqa jiberýge tyryspady. 

Qortyndysynda, jekpe-jek 2 mınýttan 8 raýndtqa sozylyp, ańyz boksshy tóreshiler sheshimimen (79-73,79-73,80-72) jeńilis tapty. 

Aıqas nátıjesi resmı tirkelip, Taıson kásipqoı karerasynda jetinshe ret jeńilse, Pol 11-ret jeńiske jetti. 

Aıta keteıik, Maık Taıson salmaq ólsheý kezinde qarsylasyna qol jumsaǵan bolatyn. 

Sondaı-aq, jekpe-jektiń VIP bıleti 2 mln dollarǵa saýdalanyp jatqany týraly jazǵan edik.