Maıamıdegi Ýkraına kelissózderi aıaqtaldy

ASTANA. KAZINFORM — Ýkraına delegatsııasynyń basshysy, Ulttyq qaýipsizdik jáne qorǵanys keńesiniń hatshysy Rústem Ýmerov Maıamıdegi «amerıkalyq jáne eýropalyq seriktestermen» ótken kezdesýdiń aıaqtalǵanyn jarııalady, dep habarlaıdy BBC.

Buǵan deıin Aq úıdegi derekkózge silteme jasaı otyryp, AFP agenttigi amerıkalyq taraptan Maıamıdegi kelissózderge Stıv Ýıtkoff pen Djared Kýshner qatysqanyn jáne Eýropa elderinen Ulybrıtanııa, Frantsııa jáne Germanııanyń ulttyq qaýipsizdik jónindegi keńesshileri bolǵanyn habarlady.

- Amerıka Qurama Shtattarynda amerıkalyq jáne eýropalyq seriktestermen kezdesýdi aıaqtadyq. Amerıkalyq seriktesterimizben aldaǵy qadamdar men jaqyn arada birlesken jumysty jalǵastyrý týraly kelistik, - dep jazdy Ýmerov.

Buǵan deıin Zelenskıı Maıamıde AQSh pen Ýkraına arasyndaǵy jańa kelissózder ótetinin málimdegen edi.

Tramp Ýkraınadaǵy soǵysty toqtatý týraly kelisim aıaqtalýǵa jaqyn ekenin aıtty.