Maýsymnyń sońǵy kúnderi kún raıy qandaı bolady

ASTANA. KAZINFORM – Maýsym aıynyń sońǵy onkúndiginde Qazaqstannyń soltústik-batys jartysynda jańbyr jaýady. Bul týraly «Qazgıdromet» RMK bas dırektorynyń birinshi orynbasary Serik Saıyrov aıtyp berdi.

Spıkerdiń aıtýynsha, keı ýaqytta qatty jańbyr jaýyp, naızaǵaı oınap, ekpindi jel turýy múmkin. Eldiń batysynda aýa temperatýrasy +18+25 gradýs aralyǵynda bolady. Al soltústikte aýa temperatýrasynyń 33+38, ortalyqta, shyǵysta, ońtústikte, ońtústik-shyǵysta +36+43 gradýsqa deıin joǵarylaýy múmkin.

«Shilde aıynda eldiń basym bóliginde qysqa merzimdi jańbyr, naızaǵaı, ekpindi jel, burshaq boljanýda. Elimizdiń batys jáne ońtústik aımaqtarynda naızaǵaıly jańbyr kútiledi. Ystyq kúnder salqyn kúndermen almasyp otyrady. Negizgi temperatýralyq fon batysta jáne ońtústik aımaqtarda +30+38 ystyq bolady, keı kúnderi termometr baǵany 40-45 gradýsqa jetedi. Respýblıkanyń soltústiginde, ortalyǵynda jáne shyǵysynda temperatýra +25+38 gradýs sheginde boljanady», – dedi spıker Ortalyq kommýnıkatsııalar qyzmetinde ótken baspasóz máslıhatynda.