Máýlen Áshimbaev: Robot tehnıkasy - bolashaq mamandyǵy
«Nur Otan» partııasynyń ІT synyp jobasy aıasynda Aqtóbe oblysynda bıyl 20 synyp kompıýtermen jabdyqtalyp, arnaıy baǵdarlamalar qondyrylady. Sonymen qatar, oqýshylardyń robot tehnıkasymen júıeli jumys isteýine jaǵdaı jasalady. Óńirge jumys saparymen kelgen «Nur Otan» partııasy Tóraǵasynyń birinshi orynbasary Máýlen Áshimbaev №56 orta mektepte ashylǵan synyptyń jumysymen tanysty. Munda balalar jańa ǵımarttardyń maketin qurastyryp jatyr.
«ІT klastaǵy jańa baǵdarlama arqyly biz shaǵyn mýltfılm daıyndaı alamyz. Oıyndardy qurastyrýǵa da múmkindik beriledi. Bolashaqta osy salanyń mamany bolyp, mýltfılmder shyǵarǵym keledi»,- dedi Almıra Bekenova. Al ІT synyp oqýshysy Serik Bazylbek kitaphana ǵımaratynyń dızaınyn bastady. Ereksheligi kitaphanada tereze kóp. Oqyrmanúshin kún sáýlesi jaryq berip turady. Munda robot tehnıkasy kabıneti de bar.
«Robot tehnıkasy - bolashaq mamandyǵy. Mektepte úırense, bolashaqta myqty ІT maman bola alady. Jumys ta tabylady. Robot tehnıkasy men baǵdarlamalaý klastaryna sheteldiń ádistemelerin qarap jatyrmyz», - dedi «Nur Otan» partııasy Tóraǵasynyń birinshi orynbasary Máýlen Áshimbaev.
Aqtóbe oblysy boıynsha ІT synypqa qajetti 21 maman Nazarbaev zııatkerlik mektebinde oqydy. Aldaǵy ýaqytta taǵy 35 muǵalim bilimin jetildiredi. Óńirde 58 robot tehnıkasy kabıneti jáne 44 úıirme jumys isteıdi. Bul arqyly barlyǵy 3 myńǵa jýyq bala qamtylyp otyr. Negizi 20 kabınetti jasaqtaýǵa 70 mıllıon teńge bólindi.
Kezdesý kezinde aqtóbelik oqýshylar «Nur Otan» partııasy Tóraǵasynyń birinshi orynbasary Máýlen Áshimbaevqa jeıdeni avtomatty túrde jınaıtyn robottyń jáne robot pildiń jumysymen tanystyrdy. Mektep oqýshysy Dastan Qasymjannyń aıtýynsha, qazir bir tetikti basyp, robottardy basqarýǵa, túrli júkteme berip, tapsyrmany oryndatýǵa mektep balalarynyń bilimi men biligi jetedi.
