Máýlen Áshimbaev AEA tıimdiligine kúmán keltirdi
Otyrys barysynda depýtattar vıtse-mınıstrden arnaýly ekonomıkalyq aımaqtardyń jumysynyń tıimdiligine qatysty saýal qoıǵan edi.
«Búginde AEA-nyń jalpy ınfraqurylmyna 450 mlrd teńge jumsaldy. Biraq, ótken jyldyń esepterine sáıkes, onyń 360 mlrd teńgesi salyq retinde qaıtaryldy. Degenmen, basty kórsetkishterdiń biri – AEA aıasynda Qazaqstanda shyǵarylmaǵan birqatar jańa taýarlardyń bolýy. Qazirgi sátte shyǵarylǵan ónimniń somasy 7 trln teńgeden asady. Onyń 450 mlrd teńgesi eksporttalǵan. Osy tsıfrǵa qarap, jalpy búginde AEA salynǵan qarajatty aqtaı bastady deýge bolady», - dep jaýap berdi Іlııas Ospanov.
Osy oraıda Senat tóraǵasy Máýlen Áshimbaev kóterilgen máselege qatysty óz ustanymyn bildirdi.
«Іlııas Esetuly, jalpy bul úlken is. Biz áriptesimiz kótergen máseleni durys dep esepteımiz. Joǵary aýdıtorlyq palata qaǵazy bar. Siz bári durys deısiz. Áriptesimiz Janar Beısentaıqyzy birneshe faktini aıtty. AEA boıynsha qaraıyq. Óıtkeni ózekti másele ári Memleket basshysy da arnaýly ekonomıkalyq aımaqtardyń tıimdiligi máselesin birneshe ret kóterdi», - dedi Senat tóraǵasy.
Osy oraıda Máýlen Áshimbaev Atyraýdaǵy «Ulttyq ındýstrıaldyq munaı-hımııa tehnoparki» AEA-daǵy ahýaldy mysalǵa keltirdi.
«Atyraýda Ulttyq ındýstrıaldyq munaı-hımııa tehoparki» AEA jumys istep tur ǵoı? Jumys isteıdi. Joǵary aýdıtorlyq palata bizge usynǵan derekterge sáıkes, osy AEA-ǵa sońǵy jyldary memleket 162 mlrd teńge salǵan. Bir arnaýly ekonomıkalyq aımaqqa ǵana. Al 2013-2020 jyldary osy AEA qatysýshylary 16 mlrd teńge salyq tóledi. ıAǵnı, osy jyldardyń ishinde memleket 162 mlrd saldy, salyqtan 16 mlrd teńge aldy. Demek, memleket salǵan atalǵan somanyń 10 paıyzy ǵana. Siz bul bastamasy, odan keıin nátıje bolady dep dáıek keltirersiz. Biraq, biz faktilerdi qaraımyz. Faktilerdi ınternetten, áleýmettik jeliden alyp otyrǵanymyz joq. Joǵary aýdıtorlyq palata usynǵan qujattardaǵy faktilerdi alamyz. Munyń ústine atalǵan AEA-ǵa qomaqty soma salyndy, al ınfraqurylymy tek 17 paıyzǵa ǵana qamtamasyz etilgen. Osy AEA-ǵa ınfraqurylymnyń 80 paıyzdan astamy salynbaǵany ǵoı. Taǵy bir fakt: oǵan salynǵan 100 paıyz ınvestıtsııanyń 99,6 paıyzy kvazımemlekettik sektor ınvestıtsııasy. AEA sheteldik jáne jergilikti otandyq ınvestıtsııa tartý úshin qurylady. Eger biz AEA quryp, osyndaı qomaqty qarajat salsaq, salyq túrinde tek 10 paıyz qaıtarym alsaq, onyń ústine ınvestıtsııa kvazımemlekettik sektordiki bolsa, onda mundaı aımaqtyń qandaı tıimdiligi jaıynda aıtýǵa bolady?», - dep atap ótti Máýlen Áshimbaev.
Senat spıkeri kvazımemlekettik sektor arnaýly ekonomıkalyq aımaqsyz-aq óz qarajatyn ınvestıtsııalaı alatyndyǵyn basa aıtty.
«Ol osylarsyz-aq qandaı da bir ózge óńirde kásiporyn sala alar edi. Menińshe, osyǵan baılanysty arnaýly ekonomıkalyq aımaqtarǵa qatysty qatań áńgime bolýy tıis. Taǵy da atap ótemin, Memleket basshysy AEA tıimdiligi máselesin birneshe ret kóterdi. Qazir bul taqyrypty pikirtalasqa aınaldyrmaı-aq qoıaıyq. Ózimizdiń ekonomıkalyq komıtetke ótinish jasaımyn. 15 maýsymda Úkimettiń respýblıkalyq bıýdjettiń atqarylýy týraly esebin tyńdaımyz. Bizge arnaýly ekonomıkalyq aımaqqa qansha qarajat ketkeni jaıly suraqtar qoıýǵa dáıekti, kelisilgen túrde daıyndalý kerek bolady», - dedi ol.
