Masýd Pezeshkıan: Izraıl bitim shartyn saqtasa, Iran da ony buzbaıdy

ASTANA. KAZINFORM – Iran prezıdenti Masýd Pezeshkıan Malaızııa premer-mınıstri Anvar Ibrahımmen jáne Oman sultany Haısam bın Tarık bın Taımýr ál-Saıdpen jekelegen telefon arqyly kelissózder júrgizdi, dep habarlaıdy Anadoly. 

— Eger sıonıstik rejım bitim sharttaryn buzbaıtyn bolsa, Iran da ony buzbaıdy. Biz Iran halqynyń zańdy quqyqtaryn kelissóz ústelinde qorǵaýǵa jáne qorǵap qalýǵa daıynbyz, — dedi Pezeshkıan.

Irannyń resmı aqparat agenttigi IRNA habarlaǵandaı, Premer-mınıstr Anvar Ibrahım Izraıldiń ıadrolyq qarýdy taratpaý júıesine qatysty ustanymyn synǵa aldy. Onyń aıtýynsha, ıadrolyq múmkindikterge tolyq ıe bola otyryp, Izraıldiń basqa elderdi óz quqyqtarynan aıyrýǵa tyrysýy múlde qabyldanbaıtyn áreket.

Prezıdent Pezeshkıan sultan Haısam bın Tarıkpen sóılesý barysynda beıbit óńir qura alatyny aıtty.

— Biz birlese áreket etý arqyly soǵys pen qaqtyǵystan azat, beıbitshilik pen turaqtylyq ornaǵan, ilgerilegen óńir qura alamyz, — dedi.

Sonymen qatar, prezıdent AQSh-tyń Izraıldiń áskerı basqynshylyǵyna tikeleı aralasýy Irandy jaýap sharalaryn qabyldaýǵa májbúr etkenin atap ótti.

Oman sultany Haısam bın Tarık Irannyń Katarǵa shabýyl jasaý nıeti joq ekenin biletinin aıtty.

— Oman jáne aımaqtaǵy basqa baýyrlas elder ıran halqynyń quqyqtaryn qorǵaý jolyndaǵy kúsh-jigerińizdi qoldaıdy, — dedi Haısam bın Tarık.

Atysty toqtatý rejımi buzyldy, Izraıl Irandy qaıta atqylamaq.