Máskeýde Shyńǵys Aıtmatovqa eskertkish qoıylady

ASTANA. QazAqparat - Máskeýdiń Danılovskıı aýdanyndaǵy Podolsk tas joly men Pavlov kóshesiniń qıylysyndaǵy Shyńǵys Aıtmatovtyń atymen atalatyn alańǵa qyrǵyzdyń ataqty jazýshysynyń eskertkishi ornatylady, dep habarlaıdy kabar.kg .

Qala meri Sergeı Sobıanın osyndaı buıryqqa qol qoıyp, jumysty 2019 jyldyń 31 jeltoqsanyna deıin aıaqtaýdy tapsyrdy.

Eskertkishtiń qarjylyq-jobalyq jaǵyn, sonymen birge ony ornatý, mańaıyn abattandyrý jumystaryn Qyrǵyzstan jaǵy óz moınyna almaqshy. Jumsalatyn shyǵyn kólemi 28 mln somdy quraıdy.

Máskeý qalasynyń basshylyǵy Qyrǵyzstan elshisiniń maýsymda aıyndaǵy usynysyn bir aýyzdan qoldaǵan bolatyn. Bul - Shyńǵys Aıtmatovtyń 90 jyldyq mereıtoıyna da oraılastyrylǵan.