Máskeý áýejaılarynda 70-ten astam reıs keıinge shegerildi

Reseı astanasynda 3 jeltoqsan kúni 145 jyldan keıingi eń qalyń qar tústi. Bul týraly Kazinform TASS jańalyqtaryna silteme jasap habarlaıdy. 

Máskeýge keletin jáne odan ushatyn reıster toqtatyldy jáne 73 reıs keıinge qaldyryldy. Bul el astanasy áýejaılarynyń onlaın-tablosynda kórsetilgen.

Máskeý ýaqytymen 02:18-degi jaǵdaı boıynsha Sheremetevo áýejaıynda 34 reıs, Domodedovoda 17 reıs keıinge qaldyrylyp, taǵy 3 reıs toqtatyldy. Vnýkovoda - 13 reıs, Jýkovskııde - 6 reıs keıinge qaldyryldy.

Áýejaılar úshin eki saǵattyq keshigý qalypty jaǵdaı. Sondyqtan, Rosavıatsııa charterlik jáne turaqty reısterdiń keshigýi týraly statıstıkalyq derekterdi esepteý kezinde 2 saǵatqa deıingi keshigýlerdi esepke almaıdy. Sonymen qatar, Máskeýdiń barlyq áýejaılary barlyq aýa raıyna beıim, sondyqtan ádette kestede ózgerister bola bermeıdi.

Reseıdiń Gıdrometeorologııalyq ortalyǵynyń ǵylymı dırektory Roman Vılfandtyń habarlaýynsha, jeksenbi kúni Máskeýde 145 jyldan soń 3 jeltoqsan úshin qardyń maksımaldy mólsheri jaýǵan.