«Maskadaǵy adam» taǵy bir otbasyna páter men avtokólik kiltin tabystady
ASTANA. KAZINFORM – El ishinde «Maska taqqan adam» dep tanylyp ketken jigit muqtajdardy qýantýdy jalǵastyryp keledi. Osy joly ol taǵy bir otbasyna baspana men avtokólik syılady.
Maskadaǵy adamnyń Instagram-akkaýntynda jarııalanǵan vıdeoda múgedektigi bar erli-zaıyptylardyń qıyn jaǵdaıyn baıqaýǵa bolady.
Onda Murat esimdi adamnyń ózi jáne áıeli birinshi toptaǵy múgedek ekeni, eki bala tárbılep otyrǵany baıandalǵan. Bul otbasy osy kúnge deıin páterdi jalǵa alyp turyp kelgen.
«Ózim kólikti jalǵa alyp, taksı qyzmetinde jumys isteımin. Áıelimniń kózi nashar kóredi», - deıdi Murat.
Tanymal bloger atalǵan erli-zaıyptylardyń emine qarajat berip, páter men avtokóliktiń kiltin tabys etti.
«Maskadaǵy adamnyń» paraqshasynda jurtshylyq qaıyrymdylyqqa óz úlesin qosýǵa múmkindik alýy úshin tıisti rekvızıtter jazylǵan.
