Másimov pen basqa da kúdiktiler qamaýda otyr - Áset Shyndalıev

ASTANA. QazAqparat – Ulttyq qaýipsizdik komıtetiniń burynǵy basshysy Kárim Másimov jáne basqa da kúdiktiler qamaýda otyr. Bul týraly Bas prokýrordyń orynbasary Áset Shyndalıev aıtty, dep habarlaıdy QazAqparat tilshisi.

«Qazir isti (Kárim Másimovke qatysty) arnaıy prokýrorlar tergep jatqan joq. Іs Ulttyq qaýipsizdik komıtetinde jáne ol qupııalylyq grıfi boıynsha júrgizilip jatyr. Sondyqtan is materıaldary jarııalanýǵa jatpaıdy. Osy isti tergeý amaldaryna qatysqan belgili bir prokýrorlar toby bar. Atap aıtqanda, tergelip jatqan adamdardyń bári qamaýda otyr, eshkim eshqaıda ketken joq», - dedi Áset Shyndalıev Parlament Májilisinde tilshiler suraǵyna jaýap bere otyryp.

Bul turǵyda ol qazir isti tergeý aıaqtalǵanyn, osy oraıda is-materıaldarymen tanysý júrip jatqanyn aıtty.

Á. Shyndalıevtiń aıtýynsha, tártip boıynsha kúdiktiler ispen tanysady. Tanysqan soń, aryzdaryn beredi. Tergeýshi ol aryzdardy qarap, keıin prokýrorǵa jiberedi.

Budan buryn habarlanǵandaı, UQK burynǵy basshylyǵy K.Q. Másimovke, A.T. Sadyqulovqa, D.E. Erǵojınge, M.S. Ósipovke jáne laýazymdy adamdar D.M. Akıpovke, N.K. Bekmuratqa, A.A. qatysty qylmystyq isti tergeýdi aıaqtady .

Qazir kúdiktilerdi is materıaldarymen tanystyrý júrgizilip jatyr. Іs materıaldarymen tanysý kezeńinde qamaýda ustaý merzimi Másimov pen Sadyqulovqa 6 qazanǵa, Erǵojınge 13 qazanǵa jáne Ósipovke 22 qazanǵa deıin uzartyldy.

Foto: kazakh-zerno.net