Mashına jasaý 12 paıyzǵa artady - Beıbit Atamqulov

NUR-SULTAN. QazAqparat - Bıyl mashına jasaý salasy 12 paıyzǵa ósedi. Bul týraly búgin halyqqa esep berý kezdesýinde QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Mashına jasaý salasy boıynsha 12 paıyzǵa ósedi dep kútilýde. Kólik quraldary óndirisiniń kólemin 34, akkýmýlıatorlardy 11, temir jol vagondaryn 127, aýyl sharýashylyǵy tehnıkasyn 58 paıyzǵa ulǵaıtý josparlanǵan. Negizgi ósim avtomobıl jasaý sektory esebinen qamtamasyz etiletin bolady. Onyń úlesi mashına jasaý salasynda 35 paıyzdy quraıdy», - dedi mınıstr,

Onyń atap ótýinshe, bıyl otandyq óndirýshilerden satyp alynǵan avtomobılderdi lızıngtik qarjylandyrý baǵdarlamasy jalǵastyrylady. Ol úshin 35 mlrd teńge bólingen.

«Sondaı-aq lıftiler, elektr jáne munaı-gaz jabdyqtary, avtobýstar syndy mashına jasaý taýarlaryn ulttyq rejımnen alyp qoıý belgilenedi», - dedi Beıbit Atamqulov.