Marsta muz dáýiri aıaqtalǵan - ǵalymdar

ASTANA. QazAqparat - Amerıkanyń Boýlderdegi Ońtústik-Shyǵys zertteý ınstıtýtynyń ǵalymdary Mars Reconnaissance Orbiter planetaaralyq stansasynan jiberilgen aqparattardy saraptap shyqty. Zertteý nátıjesi Science jýrnalynda jarııalandy, dep jazady nat-geo.ru.

Kompıýterlik modeldeýdiń kómegimen muzdar jyljýyn baıqaǵan ǵalymdar Marsta muz dáýiri shamamen 375-400 myń jyl buryn aıaqtalǵanyn anyqtady. Jerge qaraǵanda, Qyzyl planetanyń polıýsterindegi temperatýra bul kezde ortasha kórsetkishten joǵary bolǵan.

Mars polıýsterinde (ásirese soltústik) muzdardyń jyljýy kezinde 87 myń tekshe shaqyrymnan astam muz jınaqtalǵan.

Qazir planeta «erip jatyr» - birtindep muz dáýirinen shyǵyp keledi. Buǵan jýyrda baıqalǵan Qyzyl planeta betindegi sýdyń aǵýynyń izderi dálel bola alady.