Marat Qarabaev jylý jelileri tozǵan óńirlerdi atady

ASTANA. QazAqparat – Aǵymdaǵy jylý maýsymynda 185 tehnologııalyq aqaý oryn aldy. Bul týraly Úkimet otyrysynda Indýstrııa jáne ınfraqurylymdyq damý mınıstri Marat Qarabaev aıtty, dep habarlaıdy QazAqparat tilshisi.

«Tótenshe jaǵdaılar mınıstrligi Respýblıkalyq daǵdarys ortalyǵynyń deregine sáıkes, 2022-2023 jyldardaǵy jylý maýsymy kezinde tirshilikti qamtamasyz etý júıesinde 185 tehnologııalyq aqaý oryn aldy. Bul negizinen ınjenerlik-kommýnıkatsııa jelileriniń tozýyna baılanysty boldy», - dedi Marat Qarabaev.

Onyń atap ótýinshe, jergilikti atqarýshy organdardyń jedel derekterine sáıkes 2022 jyldyń qorytyndysy boıynsha jylýmen jabdyqtaý jelileriniń jalpy uzyndyǵy shamamen 14 myń shaqyrymdy qurady.

«Jelilerdiń ortasha tozýy – 54 paıyz. Bul rette, eń joǵary tozý Pavlodar, Abaı, Qaraǵandy, Shyǵys Qazaqstan jáne Soltústik Qazaqstan oblystarynda saqtalyp otyr», - dedi mınıstr.