Marat Qarabaev Kólik mınıstri qyzmetin ári qaraı atqara beredi
ASTANA. KAZINFORM - Memleket basshysynyń Jarlyǵymen Marat Kárimjanuly Qarabaev Qazaqstan Respýblıkasynyń Kólik mınıstri laýazymyna taǵaıyndaldy.
Marat Kárimjanuly 1987 jyly 4 shildede dúnıege kelgen.
2008 jyly Tashkent avtomobıl-jol ınstıtýtyn «Ǵımarattar men qurylystar salý» mamandyǵy boıynsha bitirgen. 2010 jyly «Bolashaq» baǵdarlamasymen Ýorvık (Ulybrıtanııa) ýnıversıtetin «Óndiristi-júıelik ınjenerııa» mamandyǵy boıynsha úzdik aıaqtaǵan.
2015 jyly M. H. Dýlatı atyndaǵy Taraz memlekettik ýnıversıtetin «ekonomıka» mamandyǵy boıynsha támamdaǵan.
2011 jylǵy qańtar-tamyz aralyǵynda QR Aýyl sharýashylyǵy mınıstrligi sý resýrstary komıtetiniń taǵylymdamashysy, sarapshysy, 2011 jyldyń tamyzynan 2013 jyldyń naýryzyna deıin QR Indýstrııa jáne jańa tehnologııalar mınıstrligi Tehnologııalar jáne energııa únemdeý departamentiniń sarapshysy, bas sarapshysy boldy.
2013 jylǵy naýryzdan qarashaǵa deıin QR Kólik jáne kommýnıkatsııalar mınıstrligi tranzıttik jáne kóliktik logıstıka departamenti tranzıttik saıasat basqarmasynyń basshysy, 2013 jylǵy qarashadan 2014 jylǵy maýsymǵa deıin OQO ákimdigi janyndaǵy «Maksımým» óńirlik ınvestıtsııalyq ortalyǵy» JShS Basqarma Tóraǵasynyń keńesshisi qyzmetin atqardy.
2014 jylǵy maýsymnan 2015 jylǵy qazanǵa deıin Ońtústik Qazaqstan oblysynyń kásipkerlik, ındýstrııalyq-ınnovatsııalyq damý jáne týrızm basqarmasy basshysynyń orynbasary, 2015 jylǵy qarashadan 2017 jylǵy naýryzǵa deıin Ońtústik Qazaqstan oblysynyń kásipkerlik, ındýstrııalyq-ınnovatsııalyq damý jáne týrızm basqarmasynyń basshysy boldy.
2018 jylǵy mamyrdan 2020 jylǵy shildege deıin QR Indýstrııa jáne ınfraqurylymdyq damý mınıstrliginiń Qorǵanys-ónerkásip keshenin damytý departamentiniń dırektory boldy, al 2019 jylǵy maýsymda departamenttiń fýnktsııalary Tsıfrlyq damý, qorǵanys jáne aeroǵarysh ónerkásibi mınıstrliginen berildi.
2020 jylǵy shildeden 2021 jylǵy shildege deıin QR IIDM ındýstrııalyq damý komıtetiniń tóraǵasy, 2021 jylǵy shildeden 2023 jylǵy qańtarǵa deıin Qazaqstan Respýblıkasy Indýstrııa jáne ınfraqurylymdyq damý vıtse-mınıstri qyzmetterin atqardy.
2023 jylǵy qańtarda Qazaqstan Respýblıkasy Indýstrııa jáne ınfraqurylymdyq damý mınıstri bolyp taǵaıyndaldy.
2023 jyly qyrkúıekte Kólik mınıstri boldy.
