Marat Ázilhanov: Qazaq tiliniń ıntegrator tilge aınalatyn kezi keldi
«Táýelsizdik jyldarynda memlekettik til bizdiń memlekettigimizdiń arqaýyna, qazaqstandyq biregeıliktiń irgetasyna, jalpyǵa birdeı tanylǵan azamattyq markerge aınaldy. Bilim berý salasyndaǵy júıeli sharalar bul mindetti elimizdiń jas azamattarynyń árbir jańa býyny úshin qolaıly sheshýge arnalǵan. Túrli etnostar ókilderi óz balalaryn qazaq balabaqshalaryna, qazaq mektepteri men JOO-da oqytýy búgingi tańda jıi kezdesedi. Búginde Qazaqstanda 5644 uıym balalardy qazaq tilinde oqytady jáne tárbıeleıdi, 3798 qazaq mektebi jumys isteıdi», - dedi Marat Ázilhanov QHA uıymdastyrýymen ótken dóńgelek ústelde.
Onyń aıtýynsha, qazaq tilin úırený, onyń qyzmet etý aıasyn keńeıtý, kúndelikti ómirde paıdalaný qazaq tiline degen dostyq, senim men súıispenshilik jaǵdaıynda ótýi tıis.
«Barlyq basqa ádister, tájirıbe kórsetkendeı, biz kózdegen nátıjege qol jetkizbeıdi. Latyn grafıkasyna kóshý, «Rýhanı jańǵyrý» baǵdarlamasyn iske asyrý memlekettik tildi damytýǵa qýatty serpin berdi, Qazaqstan ádebıetiniń tańdaýly shyǵarmalary BUU-nyń 6 tiline aýdaryldy, túrli bilim salalary boıynsha álemniń úzdik oqýlyqtary memlekettik tilge aýdaryldy. Búgingi tańda, Táýelsizdiktiń 30 jyldyǵynda, qazaq tili ıntegrator-tilge, el ishindegi etnosaralyq qarym-qatynas tiline aınalatyn ýaqyt keldi. Bul pikirdi, árıne, Qazaqstannyń barlyq azamattary, sonyń ishinde túrli etnostar ókilderi de qoldaıdy», - dedi QHA tóraǵasynyń orynbasary.
