Marat Ahmetjanov Birjan sal aýdanynyń turǵyndaryn Naýryz merekesimen quttyqtady
KÓKShETAÝ. KAZINFORM - Aqmola oblysynyń ákimi Marat Ahmetjanov Birjan sal aýdanynda bolyp, turǵyndardy Naýryz meıramymen quttyqtady.
Oblys ákimi baspasóz qyzmetiniń málimetinshe, Aýdan turǵyndary kóktemgi kún men túnniń teńelýi men tabıǵattyń jańarýy merekesin Stepnıak qalasynyń ortalyq alańynda atap ótti. Osynda kıiz úı qalashyǵy da ornalasqan. Ár kıiz úıde aýdan ortalyǵynyń qonaqtary men turǵyndaryna qazaqtyń ulttyq salt - dástúrleri - tusaý kesý, betashar jáne syrǵa salý rásimderi kórsetildi.
Aımaq basshysy turǵyndardy merekemen quttyqtap, halyqtyń ómirin jaqsartýǵa baǵyttalǵan óńirde júzege asyrylyp jatqan jobalar týraly aıtyp berdi.
«Barshańyzdy Ulystyń Uly kúni – Naýryz merekesimen shyn júrekten quttyqtaımyn! Halqymyz bul kúndi jyl basy, tabıǵattyń jańarýy dep eseptep, bereke men molshylyqtan úmit etken. Búkil Qazaqstan halqy úshin bul mereke erekshe mańyzǵa ıe. Naýryz merekesi bizdiń birligimizdiń nyǵaıýyn bildiredi. Bıyl aýdannyń týmasy, aqyn, kompozıtor Birjan sal Qojaǵululynyń týǵanyna 190 jyl tolady. Mereıtoılyq kúnge oraı birqatar aýqymdy is - sharalar josparlanyp otyr», - dep atap ótti Marat Ahmetjanov.
Sondaı-aq, oblys ákimi Memleket basshysynyń bastamasymen bıyl Qazaqstanda Naýryz jańa formatta atalyp ótiletinine erekshe toqtaldy. Elimizdiń ár óńirinde bizdiń dástúrlerimizdiń qundylyqtaryn dáripteýge baǵyttalǵan Naýryznama onkúndigi ótýde. Onyń barysynda kóptegen tanymdyq is-sharalar uıymdastyrylǵan.
Naýryz meıramy aıasynda oblys ákiminiń alǵys hattarymen áleýmettik–ekonomıkalyq damýǵa úles qosqan aýdan turǵyndary marapattaldy.
Shara barysynda Marat Ahmetjanov kıiz úı qalashyǵyna, jergilikti qolónershiler buıymdarynyń kórmelerine baryp, merekelik saýdamen tanysyp, aýdan turǵyndarymen áńgimelesti.
Dástúr boıynsha halyq merekeleri shyǵarmashylyq ujymdardyń óner kórsetýimen, ulttyq sport oıyndary boıynsha jarystarmen jalǵasty.
Aıta ketsek, budan buryn aqmolalyqtar bıyl Naýryz meıramyn erekshe naqyshta toılaıtynyn jazǵan edik.
