Mańǵystaýlyq jas ana on ekinshi sábıin dúnıege ákeldi

AQTAÝ. QazAqparat – Mańǵystaý oblysy Munaıly aýdanynda turatyn otbasynyń on ekinshi sábıi dúnıege keldi, dep habarlaıdy QazAqparat tilshisi.

«Aınur Jumanbetova ul balany tabıǵı jolmen dúnıege ákeldi. Náresteniń salmaǵy – 3 keli 770 gr, boıy – 55 sm. Ana men sábıdiń jaǵdaıy turaqty bolǵandyqtan, úıine shyǵaryldy», - dedi «Ana men bala» ortalyǵynyń dırektory Japyraq Epenova.

Kóp balaly ana 18 jasynda turmysqa shyqqan. Otbasynyń osyǵan deıin 7 ul, 4 qyzy bar edi. Olar 12-perzentine Muhammed-Ámın dep at qoıypty. Qarapaıym januıa byltyr memleket baǵdarlama aıasynda arendalyq páter alǵan.

«Otaǵasynyń aılyǵy jáne balalardyń járdemaqysymen el qatarly kún keship kelemiz. Tuńǵyshym 17 jasqa tolady. Bıyl 11-synyp oqıdy. Áskerı qyzmetker bolýdy josparlap otyr. Ekinshi ul 9-synyp bitirip, kolledjge qujat tapsyryp jatyr. Kishisi 1 jarym jasta. Joldasym da, ózim de kóp balaly otbasynan shyqqanbyz. Endi balalarymyzǵa jaqsy bilim, tárbıe berip, elge qamqor azamat qylyp ósirsek, armanymyz joq. Alla berip jatsa, áli de bala týýǵa daıynmyn», – deıdi Aınur Jumanbetova.

Aıta keteıik, otbsynda egiz nemese úshem joq.

Buǵan deıin Mańǵystaý oblysynda jyl basynan beri ekinshi úshem dúnıege kelgen edi.

Foto: inbusiness.kz