Mańǵystaýlyq sportshylar qol kúresinen álem chempıony atandy
Almaty qalasynda armrestlıngten eresekter, kadetter, jasóspirimder men jastar, ardagerler arasynda 44-shi álem chempıonaty jáne para armrestlıngten 25-shi álem chempıonaty ótti.
«Qazaqstan quramasynda óner kórsetken mańǵystaýlyq sportshylar jasóspirimder arasynda jáne para armrestlıngten jastar arasynda synǵa túsip, 6 altyn, 6 kúmis, 2 qola ıelendi.
Atap aıtqanda jasóspirimder arasynda 45 kelide oń qoldan Gaýhar Janǵazy jáne 50 kelide Dáýlet Abdýlla Álem chempıondary atandy. Al sol qoldan Dáýlet Abdýlla 2-oryn ıelendi. Sondaı-aq, álem chempıonatyna kórý, estý jáne tirek-qımyl júıesi zaqymdanǵan sportshylar qatysty. Jarys eresektermen qatar jastar arasynda ótip, el namysyn 144 sportshy qorǵady. Onyń ishinde kórý qabileti zaqymdanǵan Berik Ótepbergen, Dáýren Aıshýaq, Alıhan Dúısenbaı jastar arasynda álem chempıondary atandy», dep málim etti Mańǵystaý oblystyq sport basqarmasynyń baspasóz qyzmetinen.
Jalpy álem birinshiligine 52 memleketten 1000-nan astam sportshy qatysqan. Baıraqty báseke 24 tamyz- 3 qyrkúıek aralyǵynda ótti.