Mańǵystaýlyq ańshylardy «ıt júgirtip, qus salý» qyzyǵy kútip tur

ASTANA. QazAqparat - «Otpan» tarıhı-mádenı kesheniniń qyzmetkerleri jyl saıynǵy dástúrli jyrtqysh qustarmen jáne tazylarmen ań aýlaýdy uıymdastyryp jatyr. Keshen qyzmetkerleriniń aıtýynsha, bul - «Otpannyń» jetinshi ret uıymdastyryp jatqan ańshylyq sharasy, dep habarlaıdy QazAqparat jergilikti Lada.kz saıtyna silteme jasap.

Іs-sharaǵa Munaıly jáne Qaraqııa aýdandarynyń, sondaı-aq Mańǵystaý aýdanynyń ańshylary qatyspaq. Olar búrkittermen jáne tazylarmen ań aýlaıdy.

«Qazaqtyń bir qyzyǵy - búrkit, tazy» atty is-shara umytylyp bara jatqan kóshpendiler ańshylyǵyn nasıhattaıdy. «Otpan» tarıhı-mádenı kesheni bizdiń búrkitshilerdi nasıhattaýǵa oń serpin berýde», - dedi keshen qyzmetkeri.

Oblystyq orman sharýashylyǵy jáne janýarlar álemi ınspektsııasynyń habarlaýynsha, ańshylyq maýsymy Mańǵystaýda 3 qyrkúıekte bastalǵan jáne 2019 jyldyń 15 aqpanyna deıin jalǵasady. Janýarlar men qustardyń 10 túrin, sonyń ishinde 4 700 qoıan, 170 túlki jáne 140 qarsaq atýǵa ruqsat etilgen.

Ańshylyq sharasy 19 qańtar kúni saǵat 11:00-de Batys Qarataý mańynda bastalady.