Mańǵystaýda Túrikmenstanǵa baratyn jol jyl sońyna deıin paıdalanýǵa beriledi

NUR-SULTAN. QazAqparat - «Jetibaı-Jańaózen-Kenderli-Túrikmenstan Respýblıkasynyń shekarasy» (Túrikmenbashy) avtojoly 2019 jyly paıdalanýǵa beriledi, dep habarlaıdy QazAqparat «QazAvtoJol» kompanııasyna silteme jasap.

Respýblıkalyq mańyzy bar «Jetibaı-Jańaózen-Kendirli-Túrikmenstan Respýblıkasynyń shekarasy (Túrikmenbashy)» avtojolynyń 73 shaqyrymy qaıta jańartylyp jatyr. Jumys aıaqtalǵannan keıin avtojol 4 jolaqty, І «B» tehnıkalyq sanatynyń talaptaryna sáıkes bolady. Qazirgi tańda jumysshylar jer qazý jumystaryn aıaqtap, jol jabynynyń tómengi jáne joǵarǵy qabattaryn tósedi. Ýchaskede 25 temirbeton qubyr ornatyldy.

Byılǵy jospar boıynsha Jańaózen qalasy men Shetpe kentinde jol-paıdalaný ýchaskelerin qaıta jańartý jáne jańa ýchaskelerdiń qurylysy kózdelgen.

Avtojoldy qaıta jańartýǵa 800-ge jýyq maman men 565 tehnıka jumyldyryldy. Jol qaýipsizdiginiń talaptaryna sáıkes kúre joldyń boıynda qorshaýlar, ýchaske boıynsha jańa jol belgileri ornatylady.

Qaıta jańartý jumystary 2019 jyly tolyq aıaqtalady.