Mańǵystaýda soǵys ardagerlerine 1 mln teńgeden beriledi
Shyńǵys Dúısenovtiń aıtýynsha, álemdi jaılaǵan indetke oraı engizilgen karantındik sharalar aıasynda, Uly Jeńistiń 75 jyldyǵyn merekeleýdi ádetten tys jaǵdaıda ótkizý josparlanýda. Degenmen ardagerlerdi áleýmettik jaǵynan qoldaý úrdisi jalǵasyn tappaq. Búgingi tańda óńirde barlyǵy 1946 ardager bar. Olarǵa tómendegideı áleýmettik kómek kórsetiletin bolady.
- Ekinshi dúnıejúzilik soǵysy qatysýshylaryna – 1,0 mln teńge, múgedekterine – 1,0 mln teńge beriledi.
- Chernobyl AES-indegi apattyń, azamattyq nemese áskerı maqsattaǵy obektilerdegi basqa da radıatsııalyq apattar men avarııalardyń, ıadrolyq qarýdy synaýdyń saldarynan múgedek bolǵan adamdarǵa – 60 AEK ;
- Burynǵy Sovet odaǵyn qorǵaý kezinde, áskerı qyzmettiń ózge de mindetterin basqa ýaqytta oryndaý kezinde jaralanýy, kontýzııa alýy, zaqymdanýy saldarynan nemese maıdanda bolýyna baılanysty, sondaı-aq Aýǵanstanda nemese urys qımyldary júrgizilgen basqa memleketterde áskerı mindetin óteý kezinde aýrýǵa shaldyǵýy saldarynan múgedek bolǵan áskerı qyzmetshilerge - 60 AEK ;
- Jattyǵý jıyndaryna shaqyrylyp, urys qımyldary júrip jatqan kezde Aýǵanstanǵa jiberilgen áskerı mindettiler; urys qımyldary júrip jatqan osy elge júk jetkizý úshin Aýǵanstanǵa jiberilgen avtomobıl batalondarynyń áskerı qyzmetshileri; Aýǵanstanǵa jaýyngerlik tapsyrmalardy oryndaý úshin ushýlar jasaǵan ushý quramynyń áskerı qyzmetshileri; Aýǵanstandaǵy keńes áskerı quramyna qyzmet kórsetken jaralanǵan, kontýzııa alǵan nemese zaqymdanǵan, ıakı urys qımyldaryn qamtamasyz etýge qatysqany úshin burynǵy Sovet odaǵynyń ordenderimen jáne medalderimen nagradtalǵan jumysshylar men qyzmetshilerge – 50 AEK;
- Ekinshi dúnıejúzilik soǵysynyń múgedekterine jeńildikteri jaǵynan teńestirilgenderge – 60 AEK;
- «Qorshaýdaǵy Lenıngrad turǵyny» belgisimen nagradtalǵan azamattarǵa – 50 aılyq eseptik kórsetkish;
- fashıster men olardyń odaqtastary qurǵan kontslagerlerdiń, gettolardyń jáne basqa da eriksiz ustaý oryndarynyń jasy kámeletke tolmaǵan burynǵy tutqyndaryna – 50 AEK;
- 1986-1987 jyldary Chernobyl AES-indegi apattyń, sondaı-aq azamattyq nemese áskerı maqsattaǵy obektilerdegi basqa da radıatsııalyq apattar men avarııalardyń zardaptaryn joıýǵa qatysqan, sondaı-aq ıadrolyq synaqtar men jattyǵýlarǵa tikeleı qatysqan adamdarǵa – 50 AEK;
- Qaıtys bolǵan soǵys múgedeginiń jesirlerine – 40 AEK;
- Ekinshi ret nekege turmaǵan, qaıtys bolǵan soǵys múgedekteriniń jáne solarǵa teńestirilgen múgedekterdiń áıelderi (kúıeýleri), sondaı-aq qaıtys bolǵan soǵysqa qatysýshylardyń, partızandardyń, astyrtyn kúres júrgizýshilerdiń, «Lenıngradty qorǵaǵany úshin» medalimen jáne «Qorshaýdaǵy Lenıngrad turǵyny» belgisimen nagradtalǵan, jalpy aýrýǵa shaldyǵý, eńbekte mertigý jáne basqa da sebepter (quqyqqa qaıshy keletinderin qospaǵanda) saldarynan múgedek dep tanylǵan azamattardyń áıelderine (kúıeýlerine) - 40 AEK;
- Qaza tapqan áskerı qyzmetshilerdiń otbasylaryna (Aýǵanstandaǵy nemese urys qımyldary júrgizilgen basqa memleketterdegi urys qımyldary kezeńinde jaralanýdyń, kontýzııa alýdyń, zaqymdanýdyń nemese aýrýǵa shaldyǵýdyń saldarynan qaza tapqan (habar-osharsyz ketken) nemese qaıtys bolǵan áskerı qyzmetshilerdiń otbasy; beıbit ýaqytta áskerı qyzmetin ótkerý kezinde qaza tapqan (qaıtys bolǵan) áskerı qyzmetshilerdiń otbasy; Chernobyl AES-indegi apattyń, azamattyq nemese áskerı maqsattaǵy obektilerdegi basqa da radıatsııalyq apattar men avarııalardyń zardaptaryn joıý kezinde qaza tapqan adamdardyń otbasy; Chernobyl AES-indegi apattyń jáne azamattyq nemese áskerı maqsattaǵy obektilerdegi basqa da radıatsııalyq apattar men avarııalardyń, ıadrolyq synaýlardyń saldarynan sáýle aýrýyna shaldyǵyp qaıtys bolǵandardyń, nemese ólimi belgilengen tártippen solardyń yqpalyna baılanysty bolǵan múgedekterdiń, sondaı-aq azamattardyń otbasy) - 40 AEK;
- Uly Otan soǵysy jyldarynda tyldaǵy qajyrly eńbegi jáne minsiz áskerı qyzmeti úshin burynǵy Sovet odaǵynyń ordenderimen jáne medalderimen nagradtalǵan adamdarǵa – 40 AEK;
- 1988-1989 jyldardaǵy Chernobyl AES-indegi apattyń zardaptaryn joıýǵa qatysqan, oqshaýlaý aımaǵynan Qazaqstan Respýblıkasyna qonys aýdartqan (óz erkimen kóshken) adamdar qonys aýdartqan kúni anasynyń qursaǵyndaǵy balalardy qosa alǵanda – 20 AEK tólenedi.
- Atalǵan áleýmettik kómek sáýir aıynda tólenýde, mamyr aıynyń 7-isine deıin tolyq tólenetin bolady - , deıdi Mańǵystaý oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy.
