Mańǵystaýda sıntetıkalyq esirtki satyp kelgen 40 jastaǵy kelinshek ustaldy

AQTAÝ. QazAqparat - Mańǵystaý oblysynyń polıtseıleri sıntetıkanyń jetkizý arnasyn japty, dep habarlaıdy Polisia.kz.

Jedel-izdestirý sharalaryn júrgizý nátıjesinde Aqtaý qalasynyń shaǵyn aýdandarynyń birinde 40 jastaǵy jergilikti turǵyn ustaldy.

Jeke tintý barysynda odan jalpy salmaǵy 700 gramnan asatyn eki býma mefedron alyndy.

Osylaısha 1400-den astam bir rettik mólsherdegi sıntetıkanyń kóleńkeli naryqqa túsýine tosqaýyl qoıyldy.

QR ІІM beıindi departamentinde túsindirgendeı, ustalǵan azamatsha Aqtaý qalasynyń aýmaǵynda túrli Telegram-chattar men ınternet-dúkender arqyly satýǵa arnalǵan sıntetıkalyq esirtkiniń kóterme partııasyn jetkizip otyrǵan.

QR QK 297-baby 3-bóligi boıynsha sotqa deıingi tergeý bastaldy.

Ustalǵan azamatsha múlki tárkilenip, 10 jyldan 15 jylǵa deıin bas bostandyǵynan aıyrylýy múmkin.

Qylmystyq baılanystardy jáne osy qylmysqa qatysy bar basqa da adamdardy anyqtaý boıynsha is-sharalar júrip jatyr.

Esterińizge sala keteıik, 2020 jyly Qylmystyq Kodekske esirtki zattaryn ınternet resýrstaryn paıdalaný arqyly ótkizgeni úshin jazany qarastyratyn túzetýler engizildi.

Ótken jyly osy bap boıynsha, dálirek aıtsaq elektrondyq aqparattyq resýrstar arqyly ótkizý faktileri boıynsha 133 esirtki qylmysy, al jyldyń basynan bastap bes fakti tirkelgen.