Mańǵystaýda «Parasat joly» jobasy iske asyrylýda
Óńirge respýblıkalyq «Parasat joly» jobasynyń jetekshisi, qoǵam qaıratkeri, jazýshy Sádibek Túgel jáne QR Sybaılas jemqorlyqqa qarsy is-qımyl agenttigi Tóraǵasynyń keńesshisi J.Jylqyshıeva Mańǵystaý oblysyna jumys saparymen keldi.
Jumys toby issapar barysynda Q.Sydıyqov atyndaǵy oblystyq kitaphanadaǵy «Parasat joly» ortalyǵyna bardy. Onda S.Túgel men J.Jylqyshıeva «Parasat joly» ortalyǵynyń jumysymen tanysyp, kitaphana ujymymen kezdesý ótkizdi.
Q.Sydıyqov atyndaǵy oblystyq kitaphananyń tarıhy 1973 jyldan bastaý alady. Búginde 64 qyzmetker jumis isteıdi. Qazirgi kezde kitaphanada 435 myń kitap qory saqtalǵan, sondaı-aq 23 myń oqyrmany bar. Aıta kerý kerek, kitaphananyń janynda zaǵıp jandarǵa arnalǵan kitaphana da bar. Onda 500 oqyrman, 12 myńnan asa kitap qory saqtalǵan.
Kezdesýde S.Túgel elimizdegi sybaılas jemqorlyqtyń aldyn alý baǵytyndaǵy júrgizilip jatqan jumystarǵa toqtalyp, «Parasat joly» jobasynyń qoǵamǵa tıgizer paıdasy týraly atap ótti.
Aıta keteıik, «Parasat joly» jobasy aǵymdaǵy jyly QR Sybaılas jemqorlyqqa qarsy is-qımyl agenttigi men Mádenıet jáne sport mınıstrliginiń bastamasymen quryldy. Búginde elimizdiń barlyq aýmaǵynan osyndaı ortalyqtar ashylyp, jumys isteýde. Jobanyń maqsaty – qoǵamda parasattylyq, adaldyq, ádilettilik qaǵıdattaryn qalyptastyryp, mádenıet pen rýhanııat qundylyqtaryn ilgerilete otyryp, izgi qoǵam qurýǵa baǵyttalǵan.
