Mańǵystaýda oqýshylar ІІІ toqsanda qalaı oqıdy
«2020-2021 oqý jylynyń úshinshi toqsanynan bastap jańa qaýlyǵa zgerister engizildi. Ata-analardyń ótinishi boıynsha jalpy bilim beretin mektepterde 1-5 synypqa deıin kezekshi synyptar ashylady. Sanıtarlyq-epıdemıologııalyq talaptardy saqtaı otyra, 9-11 synyptar úshin 70% dástúrli, 30% qashyqtyqtan oqytý formatyna kóshiriledi. Al, tehnıkalyq jáne kásiptik, orta bilimnen keıingi bilim berý uıymdarynda, joǵary jáne joǵary oqý ornynan keıingi bilim berý uıymdarynda 1 kýrs stýdentteri 2020-2021 oqý jylynyń II semestrinen bastap aralas formatqa kóshiriledi»,-dedi Ǵazız Nadýev.
Al, Mańǵystaý oblysy bilim basqarmasy basshysynyń mindetin atqarýshy Gúlmıra Mamaevanyń málimetinshe, pánderdiń 70% dástúrli, 30% qashyqtyqtan oqytý formatynda ótedi. Bilim berý oryndary sanıtaızerlermen, teplovızorlarmen, bakterotsıdtik lampalarmen, t.b. qamtamasyz etilgen. Barlyq mektepterdegi medıtsınalyq pýnktter kúsheıtilgen rejımde jumys isteıdi.
«Qazirgi kezde tolymdylyǵy 15 baladan aspaıtyn, 1,2,3,4,5 synyptarǵa 77463 bala keledi dep josparlanýda. Al, 9, 11 synyptarǵa kelsek, olar aralas formatta oqytylady. Bul synyptarda matematıka, qazaq tili, orys tili, shet tili, fızıka, hımııa, bıologııa, algebra, geometrııa, tarıh jáne t.b. pánder mektepte oqytylady. Pánderdiń 70%-y shtattyq formatta mektepte ótse, 30%-y qashyqtyqtan oqytylady. Jalpy alǵanda mektep bitirýshi synyptardyń túlekteri úshin oqý jylynyń sońynda qorytyndy attestattaý, kolledjderde keshendi emtıhandar, 11-synyp oqýshylary joǵary oqý oryndaryna túsý úshin UBT, jáne bastaýysh synyp oqýshylarynyń oqý baǵdarlamalaryn sapaly meńgerý jaıy eskerildi. Al, bilim berý mekemesi ákimshiliginiń sheshimi boıynsha sabaqtan tys ýaqytta 5 adamnan aspaıtyn toptarda oqýshylardy jeke oqytýǵa ruqsat beriledi. «,-dedi Gúlmıra Mamaeva.
Ekinshi semestrden bastap tehnıkalyq jáne kásiptik bilim berý uıymdarynyń 1 kýrs stýdentteri aralas oqýǵa kóshedi. ıAǵnı oqytýdyń 70%-y dástúrli, 30% qashyqtan oqytý formatynda ótedi. Oblys boıynsha 1 kýrs stýdentteriniń sany 5757 adamdy quraıdy. Ata-analardyń ótinishterine sáıkes dástúrli formatta 3512 stýdent bilim alady.
«1 kýrs stýdentteri úshin oqý protsesi aralas oqytý formaty boıynsha ótedi. ıAǵnı dárister men semınarlar – onlaın, al zerthanalyq jáne praktıkalyq sabaqtar sanıtarlyq rejımdi saqtaı otyryp kúndizgi formatta uıymdastyrylady. Sabaqtar 45 mınýttan syıymdylyǵy 50% - dan aspaıtyn aýdıtorııalarda ótkiziledi»,-dedi Gúlmıra Mamaeva.
Aıta keteıik, 1-5 synyptar úshin uıymdastyrylatyn kezekshi synyptarǵa qabyldaý ata-analardyń nemese oqýshynyń zańdy ókilderiniń ótinishi negizinde júzege asyrylady. Dástúrli rejımde oqytatyn muǵalimderdiń jas erkeshelikteri 65 jastan asqandardyń densaýlyq jaǵdaıy eskerilip, qashyqtyqtan oqytýǵa aýystyrylady. Budan bólek mektepterde balalarǵa jáne qyzmetkerlerge arnalǵan mádenı-sporttyq kópshilik sharalar, jınalystar men pedkeńester ótkizilmeıdi.
«Bastaýysh synyptardyń sabaqtary tańǵy saǵat 09.00 de, joǵary synyptarǵa tústen keıin 14.00 de bastalady. Sabaqtyń uzaqtyǵy 40 mınýt, úzilister kestesi ár synyp úshin bólek jasaqtalady. Ata-ana balalaryn sanıtarlyq qorǵanysh quraldarymen jabdyqtaýǵa mindetti. (maskalar, dezınfektorlar, jáne t.b.) Sonymen qatar balalaryna kópshilik ortadaǵy ózin-ózi qorǵaý men mekteptegi áleýmettik ara qashyqtyqty saqtaý boıynsha túsinik jumystaryn muqııat júrgizýleri tıis», - dedi Gúlmıra Mamaeva.
Oblys mektepterinde sanıtarlyq sharalardy saqtaý rejımi qabyldandy. Sanıtaızerlermen, teplovızorlarmen, bakterotsıdtik lampalarmen, t.b. qamtamasyz etildi. Barlyq mektepterdegi medıtsınalyq pýnktter kúsheıtilgen rejımde jumys isteıdi.